അറിവിന്റെ ഉത്സവമായി വേനപ്പാറ എൽ.എഫ്.യു.പി സ്കൂൾ പഠനോത്സവം.
വേനപ്പാറ എൽ.എഫ്.യു.പി സ്കൂളിൽ പഠനോത്സവവും പ്രതിഭാ സംഗമവും നടന്നു
വേനപ്പാറ: വിജ്ഞാനവും വിനോദവും ഒത്തുചേർന്ന വേറിട്ട കാഴ്ചകളുമായി വേനപ്പാറ എൽ.എഫ്.യു.പി സ്കൂളിൽ പഠനോത്സവവും പ്രതിഭാ സംഗമവും സംഘടിപ്പിച്ചു. മാർച്ച് 16 തിങ്കളാഴ്ച രാവിലെ 10 മണിക്ക് സ്കൂൾ ഓഡിറ്റോറിയത്തിൽ വെച്ചാണ് പരിപാടികൾ നടന്നത്.
കുട്ടികളിലെ സർഗവാസനകളെ പ്രോത്സാഹിപ്പിക്കുന്നതിനും അധ്യയന വർഷത്തിൽ അവർ ആർജ്ജിച്ച കഴിവുകൾ പ്രദർശിപ്പിക്കുന്നതിനുമായാണ് പഠനോത്സവം ഒരുക്കിയത്. സ്കൂൾ മാനേജ്മെന്റ് പ്രതിനിധികൾ, പി.ടി.എ ഭാരവാഹികൾ, അധ്യാപകർ, രക്ഷിതാക്കൾ എന്നിവർ ചടങ്ങിൽ സംബന്ധിച്ചു. കുട്ടികളുടെ സമഗ്രമായ വളർച്ചയ്ക്ക് ഇത്തരം കൂട്ടായ്മകൾ വലിയ പ്രചോദനമാകുമെന്ന് ചടങ്ങിൽ സംസാരിച്ചവർ അഭിപ്രായപ്പെട്ടു.
Comments
Post a Comment